最近睇Facebook，見到有個 Dan Lok，唔知佢咩背景，但有幅圖就好精警。
大眾人最常接觸到的收入來源有兩個：工作收入，以及投資收入。
絕大部分工作收入都是「手停口停」的，只要你辭職、退休、被解雇，工作收入就會中斷。如果你依賴工作收入，你就不能停手。
當你依賴工作收入，人生的可變性會非常低。年到三十，你可能會想讀個有興趣的 master，或者趁後生去個 working holiday，但你又要擔心「CV 唔靚」會影響日後職場發展，所以你選擇繼續返工。
年紀越大，責任越多，依賴工作收入的人只會更加依賴工作收入。當你有家要養，有樓要供，而工作收入是你的唯一現金流，你絕對不能失去工作，你絕對不能停手。所以，點解黎生酷愛上班？點解八號風球爬樹都要返工？當工作量過多，內心好嬲好嬲，點解你又會死死氣 OT 完成工作？
因為你依賴工作收入，你擔心表現差會影響你所依賴的工作收入。
若不願人生被工作所捆綁，你必需減低對工作收入的依賴，而要減低依賴，對大眾人而言，門檻最低的方法就是投資股票。
返工是用勞力賺錢，投資股票是用資本賺錢。
搵到一份「好 pay」的工作，你依然要朝九晚五，甚至因為人工高而被 OT。落雨落到水浸都紅雨，你好嬲好嬲，然後死死氣準時返工；但投資而言，揀到一隻優質股，你要做的動作只是買入和持有，然後就可以被動地賺錢，讓上市公司運用你的資本來幫你賺錢。
你可能會質疑，本金多可以「錢搵錢」，本金少根本幫助不大，可以點？
無計，慢慢儲蓄累積本金。
你又可能會話「儲夠錢再投資」，但投資確實是越早開始越好。
假設你每年儲 20 萬，「安分守己」儲現金，10 年後有 200 萬。如果你儲蓄同時投資，只要緊貼市場回報約 8%，10 年後你會得到接近 290 萬。相比起儲現金，儲蓄兼投資的成果會多近 5 成。
你又可能會質疑，咁容易賺 90 萬，個個都發達啦！
首先，好多人以為買股票就等同於投資，但其實他們的行為與賭博無異。這類「投資者」十居其九是「賺粒糖輸間廠」。第二，他們的慘痛經歷會令股票被污名化，未接觸過股票的人好容易會因此而卻步。
你會問，到底有什麼方法可以避免成為「賺粒糖輸間廠」的股市賭徒呢？
個人認為有兩個心態是非常關鍵的。第一，投資股票等同於投資生意。第二，識別出自己能力範圍內可以掌握的生意。
如果你有興趣認識價值投資，改善自己長線投資成績，我相信《落雨人專欄》可以為你帶來重大價值。
一切信息僅供一般參考之用，所有內容不構成任何個人化的投資勸誘或建議。
落雨人投資專欄 